Zer da “BERRIKUNTZA GELAN”?
Gelan berritzailea izango dena metodologia izango da eta ez edukia.
IKT-ak edozein ikasgaitan edo edozein eduki lantzeko erabili ditzakegu,
baina jakin beharko dugu zein baliabide erabili eta zein modutan egokitu
edukiak transmititzeko bidea.
Beraz, berrikuntza gelan eskolak emateko modua izango da, berrikuntza
hauen bidez askotan lankidetza ikaskuntza bultzatu nahi izango dugulako
(Blog-aren erabileraren bidez adibidez ikasleek parte hartu dezaten
bultzatuko dugu.
Nola planifikatzen dira “Irakaskuntza-Ikaskuntza” prozesuak IKT-ekin?
Irakaskuntza-ikaskuntza prozesua arakatzeko modu bat bezala
planifikatuko da. Irakasleak bidea erakutsiko du, baina ikasleak berak
jarraitu beharko du bide hori, askotan emaitza baino garrantzitsuagoa
prozesua izango baita.
Irakasleak hainbat datu emanez, ikasleak bidea jarraitu eta emaitza
bat eman beharko du, hau da, “kaos”-etik “kosmos”-era iritsi beharko du.
Gainera, gaur egungo ikasleen mundua oso aldakorra da eta teknologiak
oso lagungarriak izango dira honetarako, hauen eguneratzea baliabide
klasikoena baino azkarrago eta errazagoa baita.
Askotan irakaskuntza-ikaskuntza prozesuak IKT-ekin planifikatzeko
orduan, pentsatzen da baliabide teknologikoak eskura jartzearekin
nahikoa dela, hau da, ordenagailuak ikasgeletara eramatearekin nahikoa
dela pentsatzea.
Irakaskuntza-ikaskuntza prozesua IKT-ekin planifikatzean TPACK-ek
aipatzen dituen hiru alderdiak uztartu beharko ditugu: pedagogia,
teknologia eta diziplina hain zuzen ere.
No hay comentarios:
Publicar un comentario